മാക്ലെസ്ഫീല്‍ഡിലെ സാവിയോ ഹൗസ് ധ്യാനകേന്ദ്രത്തില്‍ ഇന്ന് രാവിലെ ഒന്‍പതു മുതല്‍ ഞായറാഴ്ച വൈകിട്ട് നാലുവരെയുള്ള റസിഡന്‍ഷ്യല്‍ തപസ് ധ്യാനം നടക്കും. റവ. ഫാ. ജോസഫ് കണ്ടത്തിപ്പറമ്പില്‍ ധ്യാനം നയിക്കും. ഉപവാസവും പശ്ചാത്താപവും പ്രാര്‍ഥനയുമായി ജീവിത വിശുദ്ധീകരണത്തിന്റെ മൂന്നു നാളുകളില്‍ യേശുവിനെ കൂടുതല്‍ അടുത്തറിയുവാനും യേശുവിലേക്ക് വളരുവാനുമുള്ള ഒരുക്കത്തോടെയാണ് തപസ് ധ്യാനത്തില്‍ പങ്കെടുക്കുന്നവര്‍ സാവിയോ ഹൗസില്‍ എത്തിച്ചേരുന്നത്.
മാസങ്ങള്‍ക്കു മുമ്പുതന്നെ തപസ് ധ്യാനത്തിന്റെ വിജയത്തിനുവേണ്ടി ജപമാലയും കരുണക്കൊന്തയും ഉപവാസവും മറ്റ് പ്രാര്‍ഥനകളും നടത്തിയിരുന്നു. നേരത്തെ ബുക്ക് ചെയ്തിട്ടുള്ളവര്‍ക്കു മാത്രമേ ധ്യാനത്തില്‍ പങ്കെടുക്കാന്‍ സാധിക്കുകയുള്ളൂ. ധ്യാനത്തിനായി മുന്‍കൂട്ടി ബുക്ക് ചെയ്തിട്ടുള്ളവര്‍ കൃത്യം ഒന്‍പതിനുതന്നെ സാവിയോ ഹൗസില്‍ എത്തിച്ചേരണമെന്ന് ഭാരവാഹികള്‍ അറിയിക്കുന്നു. തപസ് ധ്യാനത്തില്‍ പങ്കെടുക്കുന്നതിനും ബുക്ക് ചെയ്യുന്നതിനും താഴെപ്പയുന്നവരുമായി ബന്ധപ്പെടുക.
രാജു ചെറിയാന്‍ 07443630066
റെജി മഠത്തിലേട്ട് 07886968196
സിസി കുരുവിള 07903706623
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല