ബെഡ്‌ഫോര്‍ഡ്: പ്രശസ്ത സുവിശേഷ പ്രഘോഷകനും,അങ്കമാലി കാര്‍മല്‍ ധ്യാനകേന്ദ്ര ഡയറക്ടറുമായ ഫാ :ബോസ്‌കോ ഞാലിയത്ത് നയിക്കുന്ന ത്രിദിന വാര്‍ഷിക ധ്യാനം ബെഡ്‌ഫോര്‍ഡ് കേരള ക്രിസ്ത്യന്‍ കമ്മ്യൂണിറ്റിയുടെ നേതൃത്വത്തില്‍ മാര്‍ച്ച് 13, 14, 15 തീയതികളില്‍ കെംപ്സ്റ്റന്‍ ഔര്‍ ലേഡി ചര്‍ച്ചില്‍ വെച്ച് നടത്തപ്പെടുന്നു.
മൂന്നു ദിവസങ്ങളില്‍ നടക്കുന്ന വാര്‍ഷിക ധ്യാനത്തില്‍ പങ്കെടുത്തു ഈശ്വരാനുഗ്രഹവും, കുടുംബ നവീകരണവും പ്രാപിക്കുവാന്‍ ഏവരെയും സ്വാഗതം ചെയ്യുന്നതായി ബെഡ്‌ഫോര്‍ഡ് സീറോ മലബാര്‍ സഭാ ചാപ്ലയിന്‍ ഫാ: സാജു മുല്ലശേരില്‍ അറിയിച്ചു. ധ്യാന ദിവസങ്ങളില്‍ വിശുദ്ധ കുര്‍ബാനയും, കുമ്പസാരവും, ധ്യാന ടീമിന്റെ തന്നെ ഗാന ശുശ്രൂഷയും, കൗണ്‍സിലിംഗിനുള്ള സൗകര്യവും ഉണ്ടായിരിക്കുന്നതാണ്.
ധ്യാന സമയം : മാര്‍ച്ച് 13 വെള്ളിയാഴ്ച വൈകുന്നേരം അഞ്ച് മണി മുതല്‍ ഒന്‍പത് വരെയും ,14 ശനിയാഴ്ച രാവിലെ 9.30 മുതല്‍ വൈകുന്നേരം അഞ്ച് മണി വരെയും, 15 ഞായറാഴ്ച ഉച്ചക്ക് 12 മുതല്‍ വൈകുന്നേരം ആറ് മണി വരെയുമാണ് ക്രമീകരിച്ചിരിക്കുന്നത്.
ധ്യാനം നടക്കുന്ന പള്ളിയുടെ വിലാസം : ഔര്‍ ലേഡി കാത്തലിക്ക് ചര്‍ച്ച്, 07, ബെഡ്‌ഫോര്‍ഡ് റോഡ്, കെംപ്സ്റ്റണ്‍, എംകെ42 8ക്യുബി കൂടുതല്‍ വിവരങ്ങള്‍ക്ക്
രാജന്‍ കോശി :0787702743
ജോമോന്‍ തോമസ് : 07956517225
മേഴ്‌സി രാജു :07737250611.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല