സ്വന്തം ലേഖകന്‍: മയക്കുമരുന്നും സുന്ദരികളായ മോഡലുകളും ഒഴുകുന്ന ട്രംപിന്റെ ആഡംബര പാര്‍ട്ടികളെക്കുറിച്ച് പുതിയ വെളിപ്പെടുത്തലുകള്‍. ട്രംപ് 1988 മുതല്‍ 1995 വരെയുള്ള കാലത്ത് പ്ലാസാ ഹോട്ടലില്‍ നടത്തിയ നിശാപാര്‍ട്ടികളില്‍ പ്രായപൂര്‍ത്തിയാകാത്ത മോഡലുകളെ മയക്കുമരുന്നു കുത്തിവപ്പിച്ച് പങ്കെടുപ്പിച്ചിരുന്നു എന്നാണ് ആരോപണം. മാന്‍ഹട്ടനിലെ ഈ ആഡംബര ഹോട്ടല്‍ ട്രംപിന്റെ സ്വന്തമായിരുന്ന കാലത്ത് പാര്‍ട്ടിയില്‍ പങ്കെടുത്തവര്‍ എന്ന് അവകാശപ്പെടുന്ന രണ്ടുപേരാണ് ആരോപണം ഉയര്‍ത്തിയിരിക്കുന്നത്.
ട്രംപ് രണ്ടാം ഭാര്യ മാര്‍ല മാര്‍പ്പിളിനെ വിവാഹം ചെയ്ത കാലത്തായിരുന്നു അത്. ട്രംപ് മയക്കുമരുന്ന് ഉപയോഗിച്ചില്ലെങ്കിലും ദിവസങ്ങളോളം നടത്തിയ പാര്‍ട്ടിയില്‍ പങ്കെടുത്ത പ്രായപൂര്‍ത്തിയാകാത്ത പെണ്‍കുട്ടികളെ ആവശ്യത്തിന് ഉപയോഗിച്ചെന്ന് ഇവര്‍ ആരോപിക്കുന്നു. പങ്കെടുത്ത അതിഥികള്‍ക്കായി മദ്യവും മയക്കുമരുന്നും പാര്‍ട്ടിയില്‍ ഒഴുക്കിയെന്നാണ് പരിപാടിയില്‍ പങ്കെടുത്ത പേര് വെളിപ്പെടുത്താന്‍ ആഗ്രഹിക്കാത്ത ഒരു ഫാഷന്‍ ഫോട്ടോഗ്രാഫര്‍ വെളിപ്പെടുത്തിയത്.
അതിഥികളെല്ലാം കൊച്ചു പെണ്‍കുട്ടികളുമായി കഴിയുമ്പോള്‍ മുറികള്‍ തോറും ട്രംപ് കയറിയിറങ്ങും. ലൈംഗികതയും കൊക്കെയ്‌നും ആഡംബര മദ്യവും ഒഴുകിയ രാവായിരുന്നു അതെന്നും പക്ഷേ പുകവലി മാത്രം ഇല്ലായിരുന്നെന്നും പുകവലിക്കാരായ ബിസിനസുകാരെ ഒഴിവാക്കിയിരുന്നെന്നും ഫോട്ടോഗ്രാഫറെ ഉദ്ധരിച്ച് ഡെയ്‌ലി ബീസ്റ്റ് പറയുന്നു. അകത്തും പുറത്തുമായിരുന്ന ട്രംപിന്റെ കൂടെ തന്നെ രണ്ടു പെണ്‍കുട്ടികള്‍ ഉണ്ടായിരുന്നു.
ട്രംപിനായി പാര്‍ട്ടി സംഘടിപ്പിച്ചത് ആന്റി ലുക്കേസി എന്ന പുരുഷ മോഡലായിരുന്നു. അനേകം പെണ്‍കുട്ടികള്‍ ഉണ്ടായിരുന്ന പാര്‍ട്ടിയില്‍ പതിനാല് മുതല്‍ 24 കാരികള്‍ വരെ ഉണ്ടായിരുന്നു. ഒരിക്കല്‍ പോലും മയക്കുമരുന്ന് പാര്‍ട്ടിയില്‍ ട്രംപ് ഉപയോഗിച്ചില്ലെന്ന് വ്യക്തമാക്കിയ ഇയാള്‍ ലൈംഗികത മതിവരുവോളം അതിഥികള്‍ക്ക് ലഭിച്ചിരുന്നതായും വ്യക്തമാക്കുന്നു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല