യുഎഇയിൽ കൊവിഡ് വാക്സിന് തിക്കും തിരക്കും; സ്‌​കൂ​ളു​ക​ളും സ​ർ​വ​ക​ലാ​ശാ​ല​ക​ളും 14ന് ​തു​റ​ക്കും

സ്വന്തം ലേഖകൻ: കൊവിഡ് പ്രതിരോധ കുത്തിവയ്പിന് ആവശ്യക്കാർ ഏറി. ഇതോടെ കുത്തിവയ്പിന് ബുക്കു ചെയ്താൽ ഒരു മാസത്തിലേറെ കാത്തിരിക്കേണ്ട സ്ഥിതിയുമായി. വാക്സീൻ കേന്ദ്രങ്ങളിൽ നേരിട്ടു പോയി ചോദിക്കുന്നവരോട് മാർച്ചിനു ശേഷം തരാമെന്ന് പറഞ്ഞ് വിടുകയാണ്. അറുപത് കഴിയുന്നവർക്കു മുൻഗണന നൽകുന്നുണ്ട്.

ആദ്യം മടിച്ചു നിന്നവരും ഇപ്പോൾ കുത്തിവയ്പിന് തയാറായി വരുന്നതോടെയാണ് ആവശ്യക്കാരുടെ എണ്ണം വർധിച്ചത്. വാക്സീൻ എടുത്തവർക്ക് മാത്രം സർക്കാർ ഓഫിസുകളിൽ പ്രവേശനം എന്ന നയം റാസൽഖൈമയിൽ വന്നു. വാക്സീൻ എടുക്കാത്ത സർക്കാർ ഉദ്യോഗസ്ഥർക്ക് പിസിആർ പരിശോധനാ ഫലം കൂടെക്കൂടെ കാണിക്കേണ്ട സാഹചര്യവുമാണ്. ഇതുമൂലം ഉദ്യോഗസ്ഥരും വാക്സീൻ സ്വീകരിക്കാൻ മുന്നോട്ടു വരുന്നു. ഇതിനകം തന്നെ പല വകുപ്പുകളും സ്വകാര്യ സ്ഥാപനങ്ങളും മുഴുവൻ ജീവനക്കാർക്കും ക്ലിനിക്കുകളുമായി ചേർന്ന് വാക്സീൻ നൽകുന്നുണ്ട്.

സർക്കാർ ഉദ്യോഗസ്ഥർക്ക് വേഗം വാക്സീൻ സ്വീകരിച്ച് പോകാനുള്ള സൗകര്യം ചെയ്യണമെന്ന് പല ഹോസ്പിറ്റലുകൾക്കും നിർദേശവും നൽകി. തുടക്കത്തിൽ മടിച്ചു നിന്നവർ പലരും ഇപ്പോൾ വാക്സീൻ എടുക്കാൻ തയാറാകുന്നുണ്ട്. ഇക്കാരണങ്ങളാൽ വാക്സീൻ എടുക്കാനെത്തുന്നവരുടെ എണ്ണം പതിന്മടങ്ങ് വർധിച്ചതായി വാക്സീൻ വിതരണ കേന്ദ്രങ്ങളിൽ ഉള്ളവരും വെളിപ്പെടുത്തുന്നു.

മാർച്ചോടെ ജനസംഖ്യയുടെ പകുതിയിലേറെപേർക്കും വാക്സീൻ നൽകണം എന്നതാണ് യുഎഇ തീരുമാനവും. ഇതോടെ കൊവിഡിനെതിരെ സമൂഹ പ്രതിരോധം ഉണ്ടായി വ്യാപനം തടയാൻ കഴിയുമെന്നാണ് വിലയിരുത്തൽ. ഇതുവരെ 35 ലക്ഷത്തിലധികം പേർക്ക് വാക്സീൻ നൽകിയതായി നാഷനൽ എമർജൻസി ക്രൈസിസ് ആൻഡ് ഡിസാസ്റ്റർ മാനേജ്മെന്റ് അധികൃതർ വ്യക്തമാക്കി.

യു.​എ.​ഇ​യി​ലെ സ്‌​കൂ​ളു​ക​ളും സ​ർ​വ​ക​ലാ​ശാ​ല​ക​ളും അ​ബൂ​ദ​ബി​യി​ലെ സ്വ​കാ​ര്യ സ്‌​കൂ​ളു​ക​ളും 14 മു​ത​ൽ പ്ര​വ​ർ​ത്ത​നം പു​ന​രാ​രം​ഭി​ക്കും. വി​ദ്യാ​ല​യ​ങ്ങ​ളി​ൽ ക്ലാ​സു​ക​ൾ സാ​ധാ​ര​ണ നി​ല​യി​ൽ പ്ര​വ​ർ​ത്തി​ക്കാ​നാ​വു​മെ​ന്ന് വി​ദ്യാ​ഭ്യാ​സ മ​ന്ത്രാ​ല​യം ചൂ​ണ്ടി​ക്കാ​ട്ടി. അ​തേ​സ​മ​യം, ഓ​ൺ​ലൈ​ൻ പ​ഠ​നം തു​ട​രാ​ൻ താ​ൽ​പ​ര്യ​മു​ള്ള​വ​ർ​ക്ക്​ ഈ ​അ​ധ്യ​യ​ന​വ​ർ​ഷം ക​ഴി​യു​ന്ന​തു​വ​രെ അ​തി​ന്​ അ​നു​മ​തി ന​ൽ​കും. ഓ​ൺ​ലൈ​നും ക്ലാ​സ്​​മു​റി പ​ഠ​ന​വും സ​മ്മി​ശ്ര​മാ​യി തു​ട​രാ​നു​ള്ള സൗ​ക​ര്യ​വു​മു​ണ്ടാ​കും.ദു​ബൈ​യി​ലെ സ്വ​കാ​ര്യ സ്‌​കൂ​ളു​ക​ളി​ൽ ആ​ഗ​സ്​​റ്റി​ലാ​വും വ്യ​ക്തി​ഗ​ത ക്ലാ​സു​ക​ൾ പു​ന​രാ​രം​ഭി​ക്കു​ക.

കോ​വി​ഡ് കേ​സു​ക​ളു​ടെ എ​ണ്ണ​ത്തി​ലെ വ​ർ​ധ​ന​യാ​ണ് കാ​ര​ണം. പു​തി​യ സം​ഭ​വ​വി​കാ​സ​ങ്ങ​ളു​ടെ പ​ശ്ചാ​ത്ത​ല​ത്തി​ൽ സ്‌​കൂ​ളു​ക​ളി​ൽ പാ​ലി​ക്കേ​ണ്ട സു​ര​ക്ഷ​മു​ൻ​ക​രു​ത​ലു​ക​ൾ അ​വ​ലോ​ക​നം ചെ​യ്യു​ക​യും അ​പ്‌​ഡേ​റ്റ് ചെ​യ്യു​ക​യും ചെ​യ്തു.വി​ദ്യാ​ഭ്യാ​സ സ്ഥാ​പ​നാ​ധി​കാ​രി​ക​ളു​ടെ ശി​പാ​ർ​ശ​ക​ളും വി​ദ്യാ​ർ​ഥി​ക​ളു​ടെ​യും മാ​താ​പി​താ​ക്ക​ളു​ടെ ആ​ഗ്ര​ഹ​ങ്ങ​ളും ക​ണ​ക്കി​ലെ​ടു​ത്താ​ണ് തീ​രു​മാ​ന​മെ​ടു​ത്ത​തെ​ന്ന് വി​ദ്യാ​ഭ്യാ​സ മ​ന്ത്രാ​ല​യം അ​റി​യി​ച്ചു.ജീ​വ​ന​ക്കാ​രു​ടെ​യും വി​ദ്യാ​ർ​ഥി​ക​ളു​ടെ​യും സു​ര​ക്ഷ ഉ​റ​പ്പു​വ​രു​ത്തു​ന്ന​തി​നാ​യി സ്‌​കൂ​ളു​ക​ൾ​ക്കാ​യി പ്രോ​ട്ടോ​ക്കോ​ൾ ത​യാ​റാ​ക്കി​യ​താ​യി അ​ബൂ​ദ​ബി അ​ടി​യ​ന്ത​ര ദു​ര​ന്ത​നി​വാ​ര​ണ സ​മി​തി അ​റി​യി​ച്ചു.