ജോഷി പുലിക്കൂട്ടില്‍
യു.കെ.സി.സി.എയുടെ ഈ വര്‍ഷത്തെ കണ്‍വന്‍ഷനില്‍ പങ്കെടുക്കാന്‍ എല്ലാ വിധ തയ്യാറെടുപ്പുകളും പൂര്‍ത്തിയാക്കിയതായി പോര്‍ട്സ്മൌത്ത് യൂണിറ്റ് ഭാരവാഹികള്‍ അറിയിച്ചു. കഴിഞ്ഞ എല്ലാ വര്‍ഷങ്ങളിലും റാലിയില്‍ വ്യത്യസ്തത കൊണ്ട് വന്ന പോര്‍ട്സ്മൌത്ത് ഇക്കുറിയും തങ്ങളുടേതായ പ്രത്യേകതകള്‍ കൊണ്ട് കാഴ്ചക്കാരെ അമ്പരിപ്പിക്കാനുള്ള പ്രവര്‍ത്തനത്തിലാണ് . ഇക്കുറി റാലി കടന്നു പോകുന്ന വഴിയില്‍ ആകാശത്തില്‍ വിസ്മയങ്ങള്‍ തീര്‍ത്ത്‌ വര്‍ണ പ്രപഞ്ചം വിരിയിക്കാനുള്ള ചുമതല സധൈരം ഏറ്റെടുത്ത തോമസ്‌ സൈമണ്‍ പൂഴിക്കുന്നേല്‍, സിബി ചെരുവില്‍ , സന്തോഷ്‌ സൈമണ്‍ പൂഴിക്കുന്നേല്‍ എന്നിവരുടെ നേതൃത്തത്തില്‍ പോര്‍ട്സ്മൌത്ത് യൂണിറ്റ് റാലിയില്‍ കടന്നു വരുമ്പോള്‍ എല്ലാവരുടെയും കണ്ണുകള്‍ ഈ കൊച്ചു യൂണിറ്റിന്റെ മേല്‍ പതിയും എന്ന് ഉറപ്പ് . ക്നാനായ പുരാതനപ്പാട്ടുകളും പള്ളിപ്പാട്ടുകളും പാടുന്നതിനുള്ള പരിശീലനം അവസാന ഘട്ടത്തില്‍ എത്തിയിരിക്കുന്നു.
വര്‍ണ്ണ കുടകളും ആകാശ വര്‍ണ വിസ്മയങ്ങളുമായി ഇക്കുറി തങ്ങളെത്തുമ്പോള്‍ റാലിയുടെ ഒരു സമ്മാനം തങ്ങള്‍ക്ക് ലഭിക്കും എന്ന വിശ്വാസത്തിലാണ് എന്ന അംഗങ്ങളും. ഇക്കുറി കലാസന്ധ്യയിലും തങ്ങളുടെ സാന്നിധ്യം ഉള്ളത് കൊണ്ട് എല്ലാവരും വളരെ ആകാംക്ഷയോടെ ആണ് ജൂണ്‍ 30 നെ കാത്തിരിക്കുന്നത് തങ്ങളുടെ ടിക്കറ്റുകള്‍ മുന്‍കൂട്ടി വാങ്ങി എല്ലാ കുടുംബങ്ങളുടെയും പ്രാധിനിത്യം ഉറപ്പാക്കിയ പോര്‍ട്സ്മൌത്ത് ഇക്കുറി ആ ഒരു കണക്കില്‍ വിജയം ഉറപ്പാക്കി ആണ് 30 നു രാവിലെ ഒരൊറ്റ മനസ്സായി ഒരേ വികാരത്താല്‍ ഒരു വാഹനത്തില്‍ തങ്ങളുടെ കഴിഞ്ഞ ഒരു വര്‍ഷത്തെ പരിശ്രമത്തിന്റെ ഫലം കാണാനായി പുറപ്പെടുന്നത് . തങ്ങളുടെ ബന്ധുക്കളേയുംഇടവകകാരെയും ഒക്കെ കണ്ട് വിശേഷങ്ങള്‍ പങ്കു വയ്ക്കാന്‍ കിട്ടുന്ന ഈ അവസരം എല്ലാവര്ക്കും ഒരു പ്രത്യേക അനുഭൂതി നല്‍കും എന്നതില്‍ ആര്‍ക്കും സംശയം വേണ്ട . ഇനി എല്ലാവരുടെയും ചുണ്ടില്‍ ഒരേ പാട്ട് …….മര്‍ത്തോമന്‍ നന്മയാലോന്നു തുടങ്ങുന്നു ….നന്നായി വരണമേയിന്ന്‍….
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല