മാത്തുകുട്ടി ആനകുത്തിക്കല്‍
യുകെയുടെ മണ്ണിലേക്ക് കുടിയേറിയ ക്‌നാനായക്കാരുടെ ഒരുമയില്‍ സൃഷ്ടിയെടുത്തിട്ടുള്ള യുകെകെസിഎ യുടെ 11ാമത് വാര്‍ഷിക സമ്മേളനം ജൂണ്‍30ന് മാല്‍വന്‍ മലനിരകളുടെ പ്രകൃതി ഭംഗിയില്‍ നിറഞ്ഞു നില്‍ക്കുന്ന തൊമ്മന്‍ നഗറില്‍ നടക്കുന്നു.
ഹിന്ദുവില്‍ പോയാലും മക്കളെ നിങ്ങള്‍ ബന്ധങ്ങള്‍ വേര്‍പെടാതോര്‍ക്കണം എന്ന ക്‌നാനായ പുരാതന പാട്ടിന്റെ അര്‍ത്ഥതലങ്ങള്‍ രക്തത്തില്‍ ലയിച്ചുചേര്‍ന്ന ഒരു ജനതയുടെ കൂട്ടായ്മയാണ് കണ്‍വെന്‍ഷനു വേണ്ടിയുള്ള ഒരുക്കങ്ങള്‍ ഓരോ യൂണിറ്റിലും കാണുമ്പോള്‍ ഓര്‍മ്മ വരിക. ഇവിടെ രക്തം രക്തത്തെ തിരിച്ചറിയുന്ന ബന്ധങ്ങള്‍ ഊട്ടി ഉറപ്പിക്കുന്ന, ഒരു വൈകാരിക തലം സൃഷ്ടിക്കുന്ന, യുകെകെസിഎയുടെ കണ്‍വെന്‍ഷന്‍ ഓരോ ക്‌നാനായക്കാരന്റെയും ഒരു വര്‍ഷത്തെ കാത്തിരിപ്പിന്റെ ഫലമാണ്. ഓണത്തെ സ്‌നേഹപൂര്‍വ്വം കാത്തിരിക്കുന്ന മലയാളിയെപ്പോലെ ഈ കണ്‍വെന്‍ഷന്‍ ഓരോ ക്‌നാനായക്കാരന്റെയും കാത്തിരിപ്പിന്റെ സാക്ഷാത്കാരമാണ്.
യുകെകെസിഎയുടെ 47 യൂണിറ്റുകള്‍ പങ്കെടുക്കുന്ന റാലി കണ്‍വെന്‍ഷന്റെ ആകര്‍ഷണമാണ്. ഈ വര്‍ഷത്തെ കണ്‍വെന്‍ഷന്റെ ആപ്തവാക്യമായ തനിമ നമ്മുടെ പൈതൃകം ഒരു നമ്മുടെ വരദാനം എന്ന വിഷയത്തെ അര്‍ത്ഥമാക്കുന്ന വേഷ വിധാനങ്ങളോടുകൂടി റാലിയില്‍ പങ്കെടുത്ത സമ്മാനാര്‍ഹരാകാനുള്ള മത്സരത്തില്‍പ്പോലും തങ്ങളുടെ സഹോദരരെ തിരിച്ചറിഞ്ഞ് സ്‌നേഹിക്കുന്ന ക്‌നാനായക്കാരെ നമുക്ക് കാണാന്‍ സാധിക്കും.
ജൂണ്‍30ന് രാവിലെ 9.45ന് പതാക ഉയര്‍ത്തി തുടങ്ങുന്ന വാര്‍ഷിക കണ്‍വെന്‍ഷനില്‍ ദിവ്യബലി. കുടുംബസംഗമം, സമുദായ റാലി, പൊതുസമ്മേളനം, കലാസന്ധ്യ എന്നിവയ്ക്ക് ശേഷം രാത്രി 9 മണിയോടുകൂടി പര്യവസാനിക്കും.
സമ്മേളന നഗറിന്റെ മേല്‍വിലാസം
ക്‌നായി തൊമ്മന്‍ നഗര്‍
മാല്‍വന്‍ഹില്‍സ്
Worcestershire
WR13 6NW
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല