സഖറിയ പുത്തന്‍കുളം
യുകെയിലെ ക്‌നാനായ കാത്തോലിക്ക സമുദായാംഗങ്ങളുടെ പ്രതീക്ഷയ്‌ക്കൊത്ത് എന്നും മനസില്‍ ഓര്‍മ്മിപ്പിക്കത്തക്ക വിധത്തിലുള്ള അവിസ്മരണീയ മുഹൂര്‍ത്തമൊരുക്കുന്നതിന് അക്ഷീണം യത്‌നിക്കുന്ന ഇവന്റ് മാനേജ്‌മെന്റ് കമ്മറ്റിക്ക് ജൂണ്‍ 30 ന് കനക സ്വപ്‌ന സാക്ഷാത്കാരമാകും. യുകെകെസിഎ ജോ. ട്രഷറര്‍ തങ്കച്ചന്‍ കനകാലയം നേതൃത്വം നല്‍കുന്നത് ഇവന്റ് മാനേജ്‌മെന്റ് കമ്മറ്റിയില്‍ മാഞ്ചസ്റ്ററിലെ ബേബി കുര്യനും ഷെഫീല്‍ഡിലെ പികെ ഫിലിപ്പുമാണ് മറ്റംഗങ്ങള്‍.
മാല്‍വണ്‍ഹില്‍സിലെ ത്രീകൗണ്ടി ഷോ ഗ്രൗണ്ടില്‍ 30ന് രാവിലെ 9.30ന് പതാക ഉയര്‍ത്തുന്നതോടുകൂടി കണ്‍വെന്‍ഷന്റെ ആരവം ഉയരും. കൃത്യസമയത്ത് എല്ലാ പരിപാടികളും തുടങ്ങുവാനും അവസാനിപ്പിക്കാനും വേണ്ടുന്നസൗകര്യങ്ങളും ക്രമീകരണങ്ങളുമാണ് തങ്കച്ചന്‍ കനകാലയത്തിന്റെ നേതൃത്വത്തില്‍ നടക്കുന്നത്. കണ്‍വെന്‍ഷന്‍ സെന്ററില്‍ ഇന്‍ഫര്‍മേഷന്‍ സെന്റര്‍ മുഴുവന്‍ സമയവും പ്രവര്‍ത്തിക്കുന്നതുവഴി കൃത്യമായ വിവരങ്ങല്‍ ലഭ്യമാകും.
രാവിലെ മുതല്‍ സമാപനം വരെ ഷെഫ് വിജയ് ഒരുക്കുന്ന രുചികരമായ ഭക്ഷണ പാനീയങ്ങള്‍ക്ക് പരമാവധി വില മൂന്ന് പൗണ്ട് മാത്രമേയുള്ളൂ. എട്ട് കൌണ്ടറുകളില്‍ ഭക്ഷണപാനീയങ്ങളും ഒന്‍പതാമത്തെ കൌണ്ടറില്‍ നിന്നും ഭക്ഷണം വാങ്ങുന്നതിനുള്ള കൂപ്പണ്‍ ലഭ്യമാകും. ഒരു കൂപ്പണിന് ഒരു പൌണ്ടാണ് വില.കാര്‍ഡ് പെയിന്‍മെന്റ് സ്വീകരിക്കാത്തതിനാലും എടിഎം സൗകര്യം സെന്ററില്‍ ഇല്ലാത്തതിനാലും പണം കരുതിവെക്കുന്നത് ഉചിതമായിരിക്കും.
കുട്ടികളുടെ വിനോദത്തിന് ബലൂണ്‍ കുടകള്‍ കണ്‍വെന്‍ഷന്‍ കണ്‍വെന്‍ഷന്റെ പ്രത്യേകതയാണ്. കൃത്യം 12.45ന് റാലി ആരംഭിക്കുന്നതിനാല്‍ ഓരോ യൂണിറ്റിന്റെയും പേര് എഴുതിയ ബോര്‍ഡിന് പിന്നിലായി സ്റ്റാര്‍ട്ടിംഗ് പോയിന്റില്‍ 12.45ന് മുമ്പായി അണിനിരക്കുക വഴി സാമുദായിക ഘോഷയാത്രയ്ക്കുള്ള ഒരുക്കമാകും.
കണ്വന്ഷന്റെ ഓരോ അവിസ്മരണീയ മുഹൂര്‍ത്തങ്ങളും സ്റ്റില്‍ ആന്‍ഡ് വീഡിയോഗ്രാഫി വഴി ഒപ്പിയെടുക്കും. മുന്‍ വര്‍ഷങ്ങളില്‍ നിന്നെല്ലാം വ്യത്യസ്തമായി അതിമനോഹരമായി പാകപ്പിഴകളൊന്നുമില്ലാതെ നല്ലൊരു ദൃശ്യ ശ്രവ്യ വിരുന്നിന് സ്ഥ്ിരോത്ഹാഹത്തോടെ തങ്കച്ചന്‍ കനകാലയവും ബേബി കുര്യനും പികെ ഫിലിപ്പും ഒന്നു ചേര്‍ന്ന് പ്രവര്‍ത്തിക്കുമ്പോള്‍ അവിസ്മരണീയ നിമിഷങ്ങള്‍ക്കായിരിക്കും യുകെകെസിഎ കണ്‍വെന്‍ഷന്‍ സാക്ഷ്യം വഹിക്കുക.
കഴിഞ്ഞ വര്‍ഷത്തെ കണ്വന്ഷന്റെ വീഡിയോ കാണാന്‍ ചുവടെ ക്ലിക്ക് ചെയ്യുക
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല