സ്വന്തം ലേഖകൻ: ഇന്ത്യക്കാരുൾപ്പെടെയുള്ള എച്ച്1ബി തൊഴിൽവീസ അപേക്ഷകരുടെ ക്വോട്ട തികയ്ക്കാനുള്ള നറുക്കെടുപ്പ് ഈ വർഷം നടത്തുമെന്ന് യുഎസ് സിറ്റിസൻഷിപ് ആൻഡ് ഇമിഗ്രേഷൻ സർവീസസ് (യുഎസ്‌സിഐഎസ്) അറിയിച്ചു. മാനദണ്ഡങ്ങളെല്ലാം പാലിച്ച്, ഇലക്ട്രോണിക് റജിസ്ട്രേഷനായി നേരത്തേ സമർപ്പിച്ചിരുന്നവയിൽ നിന്നാണു നറുക്കെടുപ്പ്.
2024 സാമ്പത്തിക വർഷത്തിലേക്ക് അപേക്ഷിച്ചവരുടെ ആദ്യഘട്ട സിലക്‌ഷൻ മാർച്ചിൽ പൂർത്തിയായിരുന്നു. ഏപ്രിൽ മുതൽ ജൂൺ വരെയാണ് അപേക്ഷയിലെ തുടർനടപടികൾക്കായുള്ള സമയം പ്രഖ്യാപിച്ചത്. സൂക്ഷ്മപരിശോധനയ്ക്കു ശേഷമുള്ള സിലക്‌ഷൻ വാർഷിക പരിധിയിലെത്താതെ വന്നതോടെയാണ് നറുക്കെടുപ്പിലേക്കു കടക്കുന്നത്. ഇത് ഐടി പ്രഫഷനലുകൾ ഉൾപ്പെടെയുള്ള കൂടുതൽ ഇന്ത്യക്കാർക്ക് അവസരം തുറക്കും.
ഐടി, ഫിനാൻസ്, എൻജിനീയറിങ്, ആർക്കിടെക്ചർ തുടങ്ങിയ മേഖലകളിലെ വിദേശികളായ പ്രഫഷനലുകൾക്ക് 65,000 റെഗുലർ വീസകളും യുഎസ് സർവകലാശാലയിൽനിന്ന് മാസ്റ്റേഴ്സോ അതിനു മുകളിലോ ഉന്നതപഠനം പൂർത്തിയാക്കിയവർക്കായി 20,000 വീസകളുമാണ് യുഎസ്‌സിഐഎസ് നൽകുന്നത്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല