സ്വന്തം ലേഖകന്‍: നാക്കിന്റെ നീളം കൊണ്ട് സമൂഹമാധ്യമങ്ങളില്‍ താരമായ അമേരിക്കന്‍ യുവതി. ഫ്‌ലോറിഡ സ്വദേശിയായ ജെര്‍ക്കറി ബ്രാച്ചോ എന്ന യുവതി അധികം സംസാരിക്കുന്ന ആളൊന്നുമല്ല. എന്നിട്ടും ബ്രാച്ചോയുടെ നാക്കിന്റെ നീളമാണ് ഇപ്പോള്‍ സമൂഹമാധ്യമങ്ങളിലെ ചര്‍ച്ച. യുട്യൂബില്‍ പ്രത്യക്ഷപ്പെട്ട ഒരു വീഡിയോയാണ് ബ്രാച്ചോയെ പെട്ടെന്ന് പ്രശസ്തയാക്കിയത്.
തന്റെ നാക്കുപയോഗിച്ച് ബ്രാച്ചോക്ക് മൂക്കില്‍ തൊടാന്‍ വരെ സാധിക്കും. കൂടാതെ നാക്കുപയോഗിച്ച് കണ്ണിലും ചെവിയിലും കൈമുട്ടിലും ബ്രാച്ചോ തൊടുന്നതും വീഡിയോയില്‍ കാണാം, പുറത്തേക്കിട്ട് കാണിക്കുന്ന നാക്കിന് അസാധാരണ നീളം കണ്ട് അന്തംവിട്ടിരിപ്പാണ് കാഴ്ചക്കാര്‍. എന്നാല്‍ നാക്കിന്റെ നീളത്തില്‍ റെക്കോര്‍ഡുകളൊന്നും തന്നെ ഇവര്‍ക്ക് ലഭിച്ചിട്ടില്ല.
കാലിഫോര്‍ണിയയിലെ 26 കാരിയായ നിക്ക് സ്‌റ്റോബേളാണ് ലോകത്തിലെ ഏറ്റവും നീളം കൂടിയ വ്യക്തിയായി ഗിന്നസ് റെക്കോര്‍ഡിലുള്ളത്. 2012 നവംബര്‍ 27 നാണ് നിക്കിന് ഗിന്നസ് റെക്കോര്‍ഡ് ലഭിച്ചത്. ലോകത്തിലെ ഏറ്റവും നീളം കൂടിയ നാക്കുകാരി ജെര്‍ക്കറിയാണോയെന്നാണ് യൂ ട്യൂബിലെ വീഡിയോ കണ്ടവരുടെ സംശയം.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല