ബാലസജീവ് കുമാര്‍
യുക്മ ഈസ്റ്റ്‌ ആംഗ്ലിയ റീജിയണല്‍ ജെനറല്‍ ബോഡി 2012 ജൂലൈ 1-ന് കേരള കള്‍ച്ചറല്‍ അസോസിയേഷന്‍ ഇപ്സ്വിചിന്റെ ആതിഥെയത്വത്തില്‍ നടന്നു. റീജിയണിലെ ഭൂരിഭാഗം അംഗ അസോസിയേഷനുകളും പങ്കെടുത്ത യോഗം റീജിയണല്‍ പ്രസിഡന്റ്റ് കുഞ്ഞുമോന്‍ ജോബിന്റെ അദ്ധ്യക്ഷതയില്‍ ചേരുകയും, യോഗത്തില്‍ സെക്രട്ടറി ബിനോ അഗസ്റ്റിന്‍ വാര്‍ഷിക റിപ്പോര്‍ട്ടും വരവ് ചെലവ് കണക്കുകളും അവതരിപ്പിക്കുകയും യോഗം അവ അംഗീകരിക്കുകയും ചെയ്തു. പോയ വര്‍ഷത്തെ റീജിയണല്‍ പ്രവര്‍ത്തനങ്ങള്‍ക്ക് ചുക്കാന്‍ പിടിച്ച ഭരണസമിതി അംഗങ്ങളെ അവര്‍ ചെയ്ത മികച്ച സേവനത്തിനുള്ള നന്ദിയും കടപ്പാടും യുക്മ ഈസ്റ്റ്‌ ആംഗ്ലിയ റീജിയണല്‍ കമ്മിറ്റി അറിയിക്കുകയും അവര്‍ക്ക് എല്ലാ വിധ ഭാവുകങ്ങളും ആശംസിക്കുകയും ചെയ്തു. തുടര്‍ന്നു പ്രസിഡന്റ്റ് റീജിയണല്‍ ഭരണസമിതി പിരിച്ചു വിട് പുതിയ റീജിയണല്‍ ഭാരവാഹികളെ തിരഞ്ഞെടുക്കുന്നതിന് തീരുമാനിക്കുകയും ചെയ്തു.
യുക്മ ഈസ്റ്റ്‌ ആംഗ്ലിയ റീജിയണല്‍ പ്രസിഡണ്ടായി കേംബ്രിഡ്ജ് മലയാളി അസോസിയേഷന്‍ പ്രതിനിധി ജോര്‍ജ്ജ് പൈലി കുന്നപ്പള്ളില്‍-നെ തിരഞ്ഞെടുത്തു. തൊടുപുഴ കരിമണ്ണൂര്‍ സ്വദേശി ആയ ഇദ്ദേഹം കേംബ്രിഡ്ജ് മലയാളി അസോസിയേഷന്റെ സജീവ പ്രവര്‍ത്തകനും സ്പോര്‍ട്സ് കോര്‍ ഡിനേറ്ററും ആണ്. കേംബ്രിഡ്ജ് ചെറിഹിന്ടന്‍ നേഴ്സിംഗ് ഹോമില്‍ ഡെപ്യുട്ടി മാനേജരായ ഇദ്ദേഹം മികച്ച ഒരു സംഘാടകനാണ്.
യുക്മ ഈസ്റ്റ്‌ ആംഗ്ലിയ റീജിയണല്‍ സെക്രട്ടറി ആയി തിരഞ്ഞെടുക്കപ്പെട്ടത് കോള്‍ചെസ്ടര്‍ മലയാളി കമ്മ്യുണിറ്റി മുന്‍ ജെനറല്‍ സെക്രട്ടറിയും കഴിഞ്ഞ മൂന്നു വര്‍ഷമായി യുക്മ റെപ്രസെന്റെറ്റീവും ആയ തോമസ്‌ മാറാട്ട്കളം ആണ്. മികച്ച സംഘടനാ പ്രവര്‍ത്തകനും യുനിവേഴ്സിടിയില്‍ അക്കൌന്റ്സില്‍ ഉപരിപഠനം നടത്തുകയും ചെയ്യുന്ന ഇദ്ദേഹം ചങ്ങനാശ്ശേരി സ്വദേശി ആണ്.
റീജിയണല്‍ ട്രഷറര്‍ ആയി സ്ഥാനം ഏറ്റെടുത്ത ബാസില്‍ഡന്‍ മലയാളി അസോസിയേഷന്‍ സെക്രട്ടറിയും മികച്ച സംഘടനാ പ്രവര്‍ത്തകനുമായ ബിനോ അഗസ്റ്റിന്‍ തൈമുറിയില്‍ പാലാ മരങ്ങാട്ടുപള്ളി സ്വദേശിയാണ്. ഇന്ത്യന്‍ എയര്‍ ഫോഴ്സില്‍ ഉദ്യോഗസ്ഥന്‍ ആയിരുന്ന ഇദ്ദേഹം ഒരു മികച്ച പത്രപ്രവര്‍ത്തകന്‍ കൂടിയാണ്.
റീജിയണല്‍ വൈസ് പ്രസിഡണ്ടും സ്പോര്‍ട്സ് കോര്‍ ഡിനേറ്ററും ആയി തിരഞ്ഞെടുക്കപ്പെട്ടത് കേരള കള്‍ച്ചറല്‍ അസോസിയേഷന്‍ ഇപ്സ്വിചിന്റെ പ്രതിനിധി സിജോ ഫിലിപ്പ് കൂടത്തിനാല്‍ ആണ്. ഇപ്സ്വിച് ഹോസ്പിറ്റലില്‍ ജോലി ചെയ്യുന്ന ഇദ്ദേഹം കോട്ടയം കിടങ്ങൂര്‍ സ്വദേശി ആണ്.
ലുട്ടന്‍ കേരലൈട്സ് അസോസിയേഷന്റെ മുന്‍ പ്രസിഡന്റും ലുട്ടനില്‍ സോഷ്യല്‍ വര്‍ക്കര്‍ ആയി ജോലി ചെയ്യുന്ന ജോര്‍ജ്ജ് ലൂക്കാ അക്കരയില്‍ ആണ് ജോയിന്റ് സെക്രട്ടറിയുടെയും ആര്‍ട്സ് കോര്‍ ഡിനേറ്റരുടെയും ചുമതല ഏറ്റെടുത്തത്.
കഴിഞ്ഞ വര്ഷം യുക്മ ഈസ്റ്റ്‌ ആംഗ്ലിയ രീജിയനെ നാഷണല്‍ കമ്മിറ്റിയില്‍ പ്രതിനിധീകരിച്ച അഡ്വ. ഫ്രാന്‍സീസ് മാത്യു കവളക്കാട്ടിലിനെ ആ സ്ഥാനം തുടര്‍ന്നും വഹിക്കുന്നതിനു റീജിയണല്‍ കമ്മിറ്റി ചുമതലപ്പെടുത്തി. ബാസില്‍ഡന്‍ മലയാളി അസോസിയേഷന്റെ പ്രസിഡണ്ടും, മുന്‍ നിര സോളിസിട്ടരും ആയ ഇദ്ദേഹം പാലാ തുടങ്ങനാടു സ്വദേശിയാണ്.
പുതിയ ഭാരവാഹികളെ സ്വാഗതം ചെയ്ത് അഭിനന്ദിച്ച യോഗം റീജിയന്റെ ഭാവി പരിപാടികളെ കുറിച്ചു ചര്‍ച്ച ചെയ്യുകയും കൂട്ടുത്തരവാദിത്തത്തോടെ പ്രവര്‍ത്തനങ്ങള്‍ മുമ്പോട്ട്‌ നയിക്കാന്‍ തീരുമാനം എടുക്കുകയും ചെയ്തു. യോഗത്തില്‍ സംബന്ദിച്ച യുക്മ നാഷണല്‍ സെക്രട്ടറി അബ്രഹാം ലുക്കോസ് നാഷണല്‍ പി ആര്‍ ഓ ബാലസജീവ് കുമാര്‍ എന്നിവര്‍ പുതിയ സാരഥികള്‍ക്ക് എല്ലാ ഭാവുകങ്ങളും ആശംസിച്ചു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല