യുക്മ സൗത്ത് ഈസ്റ്റ് റീജിയന് നവനേതൃത്വം; സുരേന്ദ്രൻ ആരക്കോട്ട് ദേശീയ സമിതിയിലേക്ക്

അലക്സ് വർഗ്ഗീസ് (നാഷണൽ പി.ആർ.ഒ & മീഡിയ കോർഡിനേറ്റർ): 2022-2025 കാലയളവിലെ സ്ഥാനമൊഴിഞ്ഞ പ്രസിഡൻറ് സുരേന്ദ്രൻ ആരക്കോട്ടിന്റെ അധ്യക്ഷതയിൽ ഫെബ്രുവരി 8-ന് സറെയിലെ റെഡ് ഹിൽ സ്ഥിതിചെയ്യുന്ന സാൽഫോഡ്സ് വില്ലേജ് ഹാളിൽ നടന്ന ജനറൽ ബോഡി യോഗത്തിലാണ് ഈ തിരഞ്ഞെടുപ്പ് നടന്നത്. യുക്മ ദേശീയ പ്രസിഡൻറ് ഡോ. ബിജു പെരിങ്ങത്തറ യോഗത്തിന്റെ ഉദ്ഘാടനം നിർവഹിച്ചു.

യോഗത്തിൽ റീജിയണൽ ജനറൽ സെക്രട്ടറി ജിപ്സൺ തോമസ് പങ്കെടുത്ത ദേശീയ എക്സിക്യൂട്ടീവ് അംഗങ്ങൾക്കും സംഘടനാ പ്രതിനിധികൾക്കും സ്വാഗതം ആശംസിച്ചു. മുൻ ദേശീയ പ്രസിഡണ്ടുമാരായ വർഗീസ് ജോൺ, മനോജ് കുമാർ പിള്ള, ദേശീയ വക്താവ് അഡ്വ. എബി സെബാസ്റ്റ്യൻ, ദേശീയ സമിതി അംഗം ഷാജി തോമസ് എന്നിവർ പുതിയ നേതൃത്വത്തിന് ആശംസകൾ നേർന്നു. ജിപ്സൺ തോമസ് 2022-25 കാലയളവിന്റെ പ്രവർത്തന റിപ്പോർട്ടും ട്രഷറർ ശ്രീ സനോജ് ജോസ് സാമ്പത്തിക റിപ്പോർട്ടും അവതരിപ്പിച്ചു. യുക്മ ഇലക്ഷൻ കമ്മീഷൻ അംഗം ശ്രീ മനോജ് കുമാർ പിള്ളയുടെ മേൽനോട്ടത്തിൽ നടന്ന തിരഞ്ഞെടുപ്പിൽ പുതിയ ഭാരവാഹികൾ ഐക്യകണ്ഠേന തെരഞ്ഞെടുക്കപ്പെട്ടു:

2025 – 2027 കാലയളവിലേക്കുള്ള ഭാരവാഹികൾ

ദേശീയ സമിതി അംഗം – സുരേന്ദ്രൻ ആരക്കോട്ട് (DMA, ഡാർട്ഫോർഡ്; മുൻ റീജിയൻ പ്രസിഡൻറ്)
പ്രസിഡൻറ് – ജിപ്സൺ തോമസ് (MARS, റെഡ്ഹിൽ; മുൻ റീജിയൻ ജനറൽ സെക്രട്ടറി) ജനറൽ സെക്രട്ടറി – സാംസൺ പോൾ (MCH, ഹോർഷം, മുൻ വള്ളംകളി കോഓർഡിനേറ്റർ).ട്രഷറർ – തേജു മാത്യൂസ് (CMC, ക്രോളി; ക്രോളി മലയാളി കമ്മ്യൂണിറ്റി പ്രസിഡൻറ്)
വൈസ് പ്രസിഡൻറുമാർ – സനോജ് ജോസ് (SEEMA, ഈസ്റ്റ് ബോൺ), ശാരിക അമ്പിളി (KCWA, ക്രോയ്ഡൻ) ജോയിന്റ് സെക്രട്ടറിമാർ – സുനോജ് ശ്രീനിവാസ് (BMA, ബ്രൈട്ടൺ), ഡാഫിനി എൽദോസ് (MAP, പോർട്സ്മൗത്ത്. സ്പോർട്സ്, സാംസ്കാരിക, സാമൂഹ്യ മേഖലാ കോഓർഡിനേറ്റർമാർ ഉൾപ്പെടെയുള്ള ഓരോ വിഭാഗത്തിനും പുതിയ കോഓർഡിനേറ്റർമാരെ തിരഞ്ഞെടുത്തു.

കോഓർഡിനേറ്റർമാർ
പബ്ലിക് റിലേഷൻസ് ഓഫീസർ – എറിക്‌സൺ ജോസഫ് (CMC), ക്രോളി. ആർട്സ് കോഓർഡിനേറ്റർ..– മെബി മാത്യു (CKH), ഹോർഷം.സ്പോർട്സ് കോഓർഡിനേറ്റർ – ബെർവിൻ ബാബു (HUM), ഹേവാർഡ്‌സ് ഹീത്ത്. ചാരിറ്റി കോഓർഡിനേറ്റർ – ബൈജു ശ്രീനിവാസ് (HMA), ഹേവാർഡ്‌സ്ഹീത്ത്. നഴ്‌സസ് ഫോറം കോഓർഡിനേറ്റർ – റെനോൾഡ് മാനുവേൽ (DMA), ഡാർട്ഫോർഡ്. യൂത്ത് കോഓർഡിനേറ്റർ – അലൻ ജേക്കബ് (CKH), ഹോർഷം. വള്ളംകളി കോഓർഡിനേറ്റർ – ലിറ്റോ കോരൂത്ത് (CKA), കാന്റർബറി. വിമെൻസ് ഫോറം കോഓർഡിനേറ്റർ– മോളി മാർക്കോസ് (GMCA), ഗിൽഡ്‌ഫോർഡ്. യുക്മ ന്യൂസ് കോഓർഡിനേറ്റർ – ജോൺസൺ മാത്യു (AMA), ആഷ്‌ഫോർഡ്. സോഷ്യൽ മീഡിയ കോഓർഡിനേറ്റർ– അനിൽ സെബാസ്റ്റ്യൻ (MARC), റെഡ്ഡിങ്.

പുതിയ ഭരണസമിതി റീജിയനിലെ മുഴുവൻ അംഗ അസോസിയേഷനുകളോടും ഇതുവരെ കിട്ടിയ സഹകരണത്തിന് നന്ദി അറിയിച്ചതോടൊപ്പം തുടർന്ന് വരാനിരിക്കുന്ന എല്ലാ പരിപാടികളിലും തികഞ്ഞ പങ്കാളിത്തം അഭ്യർത്ഥിക്കുന്നതായി അറിയിച്ചു . 2025 ഫെബ്രുവരി 22-ന് ബർമിംഗ്ഹാമിൽ നടക്കാനിരിക്കുന്ന ദേശീയ ജനറൽ ബോഡി യോഗത്തിൽ കൂടുതൽ പ്രതിനിധികളുടെ പങ്കാളിത്തത്തിന് യോഗം ആഹ്വാനം ചെയ്തു. പുതിയ ജനറൽ സെക്രട്ടറി സാംസൺ പോൾ, യോഗത്തിൽ പങ്കെടുത്ത എല്ലാവർക്കും നന്ദി അറിയിച്ച് യോഗം സമാപിച്ചു.