ബോളിവുഡ് സെക്സ് ബോംബ് ആയ രാഖി സാവന്ത് പാക് നടി വീണാ മാലിക്കിനെതിരെ ഒരുഗ്രന്‍ ബോംബുമായി രംഗത്തെത്തിയിരിക്കുകയാണ്. പുത്തന്‍ സ്വയംവര റിയാലിറ്റി ഷോയില്‍ പങ്കെടുക്കുക്കാന്‍ ഒരുങ്ങുന്ന വീണ നേരത്തെ തന്നെ വിവാഹിതയാണെന്നാണ് രാഖി ആരോപിക്കുന്നത്.
പാകിസ്ഥാനില്‍ വച്ച് വിവാഹിതയായ വീണ ബോയ്ഫ്രണ്ട് അഷ്മിത് പാട്ടീലിനൊപ്പമാണ് താമസമെന്നും സ്വയംവര റിയാലിറ്റി ഷോ താരം കൂടിയായ രാഖി പറയുന്നു. വീണയെപ്പോലെ ഉത്തവവാദിത്വമില്ലാത്ത ഒരാളെ താന്‍ ഇതുവരെ കണ്ടിട്ടില്ല.
ഗദ്ദാഫി സ്റ്റൈലില്‍ ഒളിച്ചിരുന്ന്, തനിക്ക് അസുഖമാണെന്നാണ് വീണ പറയുന്നത്. ലോകത്തെ മുഴുവന്‍ വിഡ്ഢികളാക്കുകയാണ് വീണ ചെയ്തത്. കുറ്റവാളികളാണ് ഒളിച്ചിരിക്കുന്നത്. വീണ വിവാഹിതയാണെന്ന് എല്ലാവര്‍ക്കും അറിയാം. മറ്റൊരാളെ വിവാഹം ചെയ്ത് അയാളുടെ ഒപ്പം താമസിക്കുന്ന സ്ത്രീയെ വിവാഹം ചെയ്യാന്‍ താല്പര്യം കാണിക്കുന്ന ആരെയും താന്‍ ഇതുവരെ കണ്ടിട്ടില്ലെന്നും രാഖി തുറന്നടിക്കുന്നു.
ഇതിനൊപ്പം തന്നെ മുന്‍ നിര ബോളിവുഡ് നായികമാരെല്ലാം ഐറ്റം നമ്പര്‍ ചെയ്ത് കോടികള്‍ വാരുന്നത് രാഖി സാവന്തിന് അത്ര പിടിച്ചിട്ടില്ല എന്നും തോന്നുന്നു. ഇവരൊക്കെ ഐറ്റം ഡാന്‍സ് ചെയ്യാന്‍ തയ്യാറായാല്‍ തന്റെ ഗതിയെന്താവുമെന്നോര്‍ത്ത് രാഖിയ്ക്ക് ഉറക്കം നഷ്ടപ്പെട്ടിട്ടുണ്ടാവണം. എന്തായാലും ഉള്ളില്‍ ഉള്ളത് തുറന്നു പറയുന്ന സ്വഭാവക്കാരിയാണ് രാഖി.
അടുത്തിടെയായി ബോളിവുഡില്‍ ഐറ്റം നമ്പറുകള്‍ ചെയ്ത് ശ്രദ്ധേയയായത് കത്രീന കൈഫാണ്. കത്രീനയ്ക്ക് ഒരു പണി കൊടുക്കണമെന്ന് രാഖി മുന്‍പേ തീരുമാനിച്ചിരുന്നതാണ്. എന്നാല്‍ അതിനുള്ള അവസരം ഒത്തു വന്നത് അടുത്തിടെയാണ്.
ഒരഭിമുഖത്തിനിടെ വീണു കിട്ടിയ അവസരം രാഖി ശരിയ്ക്കും മുതലെടുത്തു. കത്രീനയുടെ ‘ചിക്‌നി ചമേലി’ പെര്‍ഫോമന്‍സിനെ കുറിച്ച് ചോദിച്ചപ്പോഴാണ് കത്രീനയുടെ പ്രകടനം കൊള്ളാം പക്ഷേ അത് കോപ്പിയടിയാണെന്ന സത്യം രാഖി വെളിപ്പെടുത്തിയത്. ചിക്‌നി ചമേലി’യില്‍ കത്രീന ചെയ്തത് താന്‍ മുന്‍പേ ചെയ്തിട്ടുണ്ടെന്നാണ് രാഖിയുടെ വാദം.
ഇതുമാത്രമല്ല ബോളിവുഡ് ഹിറ്റ് ചാര്‍ട്ടുകളില്‍ ഇടം നേടിയ ഷീലാ കി ജവാനിയും കോപ്പിയടിയാണെന്നാണ് രാഖിയുടെ കണ്ടുപിടുത്തം. കത്രീന മാത്രമല്ല പാക് നടി വീണ മാലിക്കും പഠിച്ച കള്ളിയാണെന്നാണ് രാഖി പറയുന്നത്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല