മാഞ്ചസ്റ്റര്‍: ഷ്രൂഷ്ബറി രൂപതയിലെ ക്‌നാനായ ചാപ്ലൈന്‍സിയുടെ വിശുദ്ധവാര തിരുകര്‍മങ്ങള്‍ക്ക് നാളെ ഓശാന തിരുകര്‍മങ്ങളോടെ തുടക്കമാകും.
ഓശാന ഞായര്‍ തിരുകര്‍മങ്ങള്‍ വൈകുന്നേരം 4.30 മുതല്‍ ആരംഭിക്കും. പെസഹാ തിരുകര്‍മങ്ങള്‍ വൈകിട്ട് നാലു മുതലും ദുഃഖവെള്ളി തിരുകര്‍മങ്ങള്‍ രാവിലെ 11 മുതലും ഈസ്റ്റര്‍ തിരുകര്‍മങ്ങള്‍ ശനിയാഴ്ച രാത്രി എട്ടു മുതലും ആരംഭിക്കും. വിശുദ്ധവാര തിരുകര്‍മങ്ങള്‍ എല്ലാം വിഥിന്‍ഷോ സെന്റ് ആന്റണീസ് ദേവാലയത്തിലാണ് നടക്കുക.
ബര്‍ക്കിന്‍ഹെഡ് സെന്റ് ജോണ്‍ ദി ഇവാഞ്ചലിസ്റ്റ് ദേവാലത്തില്‍ ഈസ്റ്റര്‍ തിരുകര്‍മങ്ങള്‍ ഞായറാഴ്ച വൈകിട്ട് 4.30 മുതല്‍ നടക്കും. വിശുദ്ധവാര തിരുകര്‍മങ്ങളില്‍ പങ്കെടുത്ത് അനുഗ്രഹങ്ങള്‍ പ്രാപിക്കുവാന്‍ ഏവരെയും ഷ്രൂഷ്ബറി രൂപതാ ക്‌നാനായ ചാപ്ലൈന്‍ ഫാ. സജി മലയില്‍ പുത്തന്‍പുര സ്വാഗതം ചെയ്യുന്നുു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല