മനോജ്‌ അബ്രഹാം
ബര്‍മിംഗ്ഹാനടുത്ത് വാമ്‌ലി ഹോളിക്രോസ് ആന്റ് സെന്റ് ഫ്രാന്‍സിസ് ദേവാലയത്തില്‍ പ.കന്യാമറിയത്തിന്റെയും, വി. തോമാശ്ലീഹയുടെയും, വി. അല്‍ഫോന്‍സാമ്മയുടെയും തിരുനാള്‍ ആഘോഷം ജുലൈ 15ന് നടക്കും.
തിരുനാളാഘോഷത്തിന്റെ ഭാഗമായി ഉച്ചകഴിഞ്ഞ് 3മണിക്ക് സീറോ മലബാര്‍ ചാപ്ലിന്‍ ഫാ ജെയ്‌സണ്‍ കരിപ്പായിയുടെ കാര്‍മികത്വത്തില്‍ ആഘോഷപൂര്‍വമായ ദിവ്യബലി നടത്തപ്പെടും. 5മണിക്ക് ലദീഞ്ഞ് പ്രദക്ഷിണം, ആറ് മണിക്ക് ഇടവക കൂട്ടായ്മയും സണ്‍ഡേ സ്‌കൂളുകള്‍ വാര്‍ഷികവും, ഏഴ് മണിക്ക് സ്‌നേഹവിരുന്ന് എന്നിവ നടക്കും.
തിരുനാള്‍ ദിവസത്തിലെ തിരുകര്‍മ്മങ്ങളില്‍ ഭക്ത്യാദര പൂര്‍വ്വം പങ്കുകൊണ്ട് ദൈവാനുഗ്രഹം പ്രാപിക്കുന്നതിന് ഏവരെയും സ്‌നേഹപൂര്‍വ്വം ക്ഷണിക്കുന്നതായി സീറോ മലബാര്‍ ചാപ്ലിന്‍ ഫാ. സോജി ഓലിക്കല്‍, വികാരി ഫാ. ജോമോന്‍ തൊമ്മാന, കൈക്കാരന്‍മാരായ ജോജി ജോസഫ്, മാര്‍സെല്‍ സി ജോസ് എന്നിവര്‍ അറിയിച്ചു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല