വെസ്റ്റ് വെയ്ല്‍സ് മലയാളി അസോസിയേഷന്റെ ഈ വര്‍ഷത്തെ ഓണാഘോഷം ഓഗസ്റ്റ് 11 ശനിയാഴ്ച നടക്കും. തിരുവോണം 2012 എന്നു പേരിട്ടിരിക്കുന്ന ആഘോഷപരിപാടികളില്‍ വൈസ്റ്റ് വെയ്ല്‍സ് എംപിയും കാര്‍മാര്‍ത്തന്‍ മേയറും വിശിഷ്ടാതിഥികളായിരിക്കും. കാര്‍മാര്‍ത്തനിലെ ബ്രോണ്‍വിഡ് ഹാളിലാണ് ആഘോഷ പരിപാടികള്‍ സംഘടിപ്പിച്ചിരിക്കുന്നത്.
രാവിലെ 9.30 ന് രജിസ്‌ട്രേഷന്‍, പത്ത് മുതല്‍ 12 വരെ നാടന്‍ കായിക മത്സരങ്ങള്‍, 12.30 ന് ഓണ സദ്യ, 2 മണിക്ക് പൊതു സമ്മേളനം. വെസ്റ്റ് വെയ്ല്‍സ് മലയാളി അസോസിയേഷന്‍ പ്രസിഡന്റെ ജോര്‍ജ്ജ് വര്‍ക്കി തട്ടാശ്ശേരി അദ്ധ്യക്ഷത വഹിക്കും. എംപിയായ സൈമണ്‍ഹാര്‍ട്ട് ഓണാഘോഷം ഉത്ഘാടനം ചെയ്യും. കാര്‍മാര്‍ത്തന്‍ മേയര്‍ ആശംസകള്‍ അര്‍പ്പിക്കും. തുടര്‍ന്ന് അസോസിയേഷന്‍ അംഗങ്ങളുടെ വിവിധ കലാപരിപാടികള്‍. കൂടുതല്‍ വിവരങ്ങള്‍ക്ക് 07532109744 എന്ന നമ്പരില്‍ ബന്ധപ്പെടണം.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല