അമ്മമാര്‍, അദ്ധ്യാപികമാര്‍, നഴ്‌സുമാര്‍ എന്നുവേണ്ട ബ്രിട്ടനിലെ എല്ലാ സ്ത്രീകളും രാത്രി സമയങ്ങളില്‍ മദ്യപിക്കാറുണ്ടെന്ന് സര്‍വെ ഫലം തെളിയിക്കുന്നു. ഇതിനെക്കുറിച്ചുള്ള ഓണ്‍ലൈന്‍ മെയിലിന്റെ വാര്‍ത്ത തുടങ്ങുന്നത് ഇങ്ങനെയാണ്. കാര്‍ദിഫിലെ സെന്റ് മേരീസ് സ്ട്രീറ്റില്‍ എല്ലായ്‌പ്പോഴും കാര്യങ്ങള്‍ ഇങ്ങനെയാണ്. ആറോളം സ്ത്രീകള്‍ ദിനംപ്രതി ഗട്ടറില്‍ വീഴുന്നു, പുരുഷന്മാര്‍ ഭക്ഷണശാലയ്ക്ക് തൊട്ടുപുറത്ത് മൂത്രം ഒഴിക്കുന്നു, മറ്റു ചിലര്‍ സെക്‌സ് കളിപ്പാട്ടങ്ങളുമായുള്ള കേളി തുടരുന്നു.
മൂത്രത്തിന്റെ മണം രൂക്ഷമായപ്പോള്‍ പൊലീസ് ഇവിടെ നടത്തിയ തിരച്ചിലില്‍ പിടിയിലായത് കാലിന് ശേഷിയില്ലാത്ത ഒരു പെണ്‍കുട്ടിയാണ്. അവള്‍ പറയുന്നത് താന്‍ മദ്യപിച്ചിട്ടില്ലെന്നാണ്. എന്നാല്‍ അവളെ വൈദ്യ പരിശോധനയ്ക്ക് വിധേയയാക്കിയപ്പോള്‍ അളവില്‍ കൂടുതല്‍ മദ്യം അവള്‍ അകത്താക്കിയതായി തെളിഞ്ഞു. മദ്യപിക്കുമ്പോള്‍ തങ്ങള്‍ക്ക് എല്ലാവരെയും അമ്പരപ്പിക്കുന്ന കാര്യങ്ങള്‍ ചെയ്യാന്‍ സാധിക്കുമെന്നാണ് ഈ സ്ത്രീ പൊലീസിനോട് പറഞ്ഞത്. സര്‍വെ സംഘം പരിചയപ്പെട്ട മിക്കവാറും എല്ലാ സ്ത്രീകളും മദ്യപിച്ച് ഉന്മത്തരായിരുന്നവരാണ്. അവര്‍ തെരുവില്‍ കാണുന്ന ആരെയും പിടിച്ച് ഉമ്മ വയ്ക്കുകയും ആര്‍ക്കുമൊപ്പം ലൈംഗിക ബന്ധത്തിലേര്‍പ്പെടാന്‍ തയ്യാറായവരുമാണ്.
ഒരു രാത്രിയില്‍ കര്‍ദിഫ് എന്ന പേരില്‍ പോളിഷ് ഫോട്ടോഗ്രാഫറായ മസീജ് ഡക്കോവിച്ച് എടുത്ത ഫോട്ടോകളില്‍ നിന്നാണ് ഇത്തരത്തിലൊരു സര്‍വെയുടെ ആവശ്യം അധികൃതര്‍ക്ക് ബോധ്യപ്പെടുന്നത്. ജോലിഭാരവും കുട്ടികളെ വളര്‍ത്തുന്നതിന്റെ ്ആശങ്കകളുമാണ് തങ്ങളെ മദ്യപാനികളാക്കുന്നതെന്ന് മിക്ക സ്ത്രീകളും സാക്ഷ്യം പറഞ്ഞിട്ടുണ്ട്.
ബ്രിട്ടനിലെ സ്ത്രീകള്‍ എല്ലാവരും തന്നെ ആഴ്ചയില്‍ ഒരിക്കലെങ്കിലും മദ്യപിച്ച് പൂസാകുന്നവരാണെന്ന് സര്‍വെയില്‍ തെളിഞ്ഞു. പലരും മദ്യപാനശീലം തങ്ങളുടെ സ്വകാര്യമാണെന്ന് വ്യക്തമാക്കിയെങ്കിലും അതിന്റെ ദൂഷ്യ വശങ്ങളെക്കുറിച്ച പ്രതികരിക്കാന്‍ തയ്യാറായില്ല.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല