അലക്‌സ് വര്‍ഗീസ്
പോര്‍ട്‌സ്മൗത്ത് സീറോ മലബാര്‍ ചര്‍ച്ചിന്റെ ആഭിമുഖ്യത്തില്‍ ഇടവക മധ്യസ്ഥനായ പരിശുദ്ധ അമ്മയുടെ തിരുനാള്‍ സെപ്തംബര്‍ ആറാം തിയതി ഞായറാഴ്ച്ച 3.30ന് ആഘോഷമായ ദിവ്യബലിയോടെ ആരംഭിക്കും. പോര്‍ട്‌സ്മൗത്ത് രൂപതയിലെ സീറോ മലബാര്‍ ചാപ്ലിയന്‍മാരായ റവ ഫാ ടോമി ചിറയ്ക്കല്‍ മണവാളന്‍ ഇടവക വികാരി റവ ഫാ രാജേഷ് എബ്രഹാം എന്നിവര്‍ മുഖ്യകാര്‍മ്മികരാകും. ദിവ്യബലിക്ക് ശേഷം ലദീഞ്ഞ്, പ്രദക്ഷിണം, നേര്‍ച്ച, സ്‌നേഹവിരുന്ന് എന്നിവ ഉണ്ടായിരിക്കും.
തിരുനാളിന് ഓഗസ്റ്റ് 29 ശനിയാഴ്ച്ച വൈകിട്ട് കൊടിയേറി. ദിവ്യബലി, ലദീഞ്ഞ് എന്നിവയും ഉണ്ടായിരന്നു. പ്രധാന തിരുനാള്‍ ദിനമായ സെപ്തംബര്‍ ആറു വരെ എല്ലാ ദിവസവും ദിവ്യബലിയും നൊവേനയും ഉണ്ടായിരിക്കും. ഈ വര്‍ഷം മുതല്‍ പകര്‍ച്ചവ്യാധികളുടെയും മാറാരോഗങ്ങളുടെയും മദ്ധ്യസ്ഥനായ വി സെബാസ്ത്യാനോസിന്റെ കഴുന്ന്് എഴുന്നള്ളിക്കുന്നതിനുള്ള സൗകര്യം ഉണ്ടായിരിക്കും.
തിരുനാള്‍ ദിനമാസ സെപ്തംബര്‍ ആറിന് മിഴിവേകാന്‍ ആഢംബരമായ പ്രദക്ഷിണവും ചെണ്ടമേളവും തുടര്‍ന്ന് ഗാനമേളയും ഉണ്ടായിരിക്കും. പരിശുദ്ധ അമ്മയുടെ തിരുനാളില്‍ പങ്കെടുത്ത് അനുഗ്രഹങ്ങള്‍ പ്രാപിക്കുവാന്‍ ഏവരെയും ഇടവക വികാരി ഫാ രാജേഷ് ഏബ്രഹാം അനത്തില്‍ സ്വാഗതം ചെയ്യുന്നു.
പള്ളിയുടെ വിലാസം
സെന്റ് പോള്‍സ് ചര്‍ച്ച്
പോള്‍സ് ഗ്രോവ്, ഓള്‍വേ അവന്യു
പിഒ 6 4 എച്ച്ബി
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല